Google ADS

MPJD-ja angazhon ekspertë juridikë për lirimin e ish-ushtarit të UÇK-së në Shkup

19:11 | 18 Korrik 2024
E.G

Ministria e Punëve të Jashtme dhe Diasporës (MPJD) ka njoftuar se Blerim Ramadanit i është caktuar masa 30-ditore e paraburgimit me vendim të Gjykatës Themelore në Shkup.

Sipas njoftimit, ministria ka angazhuar ekip të ekspertëve juridik për lirimin sa më të shpejtë të Ramadanit, shkruan Arbresh.info.

“Ambasada e Republikës së Kosovës në Shkup eshte angazhuar me ekip të ekspertëve juridik për lirimin sa më të shpejtë të Ramadani dhe kthimin e tij në familje. MPJD dhe institucionet e Kosovës do të përdorin të gjitha kanalet diplomatike për të siguruar lirimin e shtetasit tonë”, thuhet në njoftim./Arbresh.info/

Ndryshe, Blerim Ramadani është ndaluar më 17 korrik 2024 në pikëkalimin kufitar Jazhincë, bazuar në një fletë arresti të lëshuar nga Gjykata e Beogradit, përmes INTERPOL Serbia, me pretendimin për krime lufte në verën e vitit 1999 në rajonin e Nerodimes./Arbresh.info/

LEXO EDHE:

Arrestohet në Maqedoninë e Veriut ish-anëtari i UÇK-së, në bazë të fletarrestimit të lëshuar nga Serbia

Shpërndaje në rrjete sociale

Lajmet më të lexuara

Të ngjashme

Foto lajm